十年

前陣子, 大學同學結婚行禮, 見番一班朋友, 之後飲下野, 唱K.  雖然做的事情冇咩特別, 只係聚埋一齊, 見下面, 但已覺得好開心, 頓時仿佛回到讀書時期咁, 好感觸.  正當我有感而發, 想搵個地方打下野, 抒發一下, 竟然發現這個被違忘的聯合blog.

當我一打開這個blog, 我諗左陣, 這個blog係咩黎, 係咪人地亂add我.  但我再望多陣, 先開始勾起關於這個blog的零碎記憶.  睇番個年份, 2008年, 距離現在已經有十年了.  不禁想起, 大家現在變成點?  過得好嗎?  我諗多數人都有這個疑問, 但同時又唔會主動出聲問(起碼我係), 尤其一班已經咁多年冇聯絡的朋友.  我當年自問視朋友為非常重要，仲定斷一定唔會不聯絡咁，但事實就係相反，被生活磨滅曬當時的熱誠。大家各有各忙，有時間都可能選擇休息。

如見面，又有另一個問題，會尷尬嗎？會冇話題嗎？隨著成長、經歷、學習、各類的經驗，即使當年大家思想相近，亦可能變得有分別。試過有次畢業後聚會，發覺大家好難傾得埋，價值觀不同，處事更變得大不同，好似唔岩key咁，最後成餐飯大家都變左做低頭族。期望越大，失望越大，可能唔見面仲好，起碼有住美好的回憶。

不過，我其實都只係心情差，發洩下吧了。😂😂

最後，問一句，大家近來點呀？